Memo
@ مشرف الالعاب الكتابية @
عدد الرسائل : 38 العمر : 35 تاريخ التسجيل : 24/08/2007
| موضوع: زى أى واحد الإثنين أغسطس 27, 2007 5:07 pm | |
|
أنا زى أى واحد إنسان عادى بخاف ومش جبان مظلوم أوقات وبعيش زعلان أعيط أبكى وكتير أحزان صعب طريقى بأشواكه مليان على هدفى بدور فى أى مكان صابر عالوحدة فاقد الحنان مش لاقى فى حياتى أى أمان
أيام تمر وأيام تفوت آمال كتير وصور وخطوط جراح أليمة قتلت الصوت صوت الإرادة إتحول سكوت سمكة جريحة بتحارب حوت إحساس أليم وشعور بالموت
يا ناس ياهوه ساعدونى من حيرتى يلا خرجونى متبعدوش عنى وتسيبونى محتاج نصيحة ترسينى قلب ناضج يداوينى مؤمن بالله يهدينى ليه يا دنيا تعذبينى شايف ليه ناس متفرقة وقسوة بالقلوب متلزقة مين زرعها ومين سقى مين قاوم ومين اشتكى امتى هنفوق ونصحى بقى امتى هشوف أمة متجمعة أمة متحدة أصواتها مسمعة تجلى تعلا توصل للسما
لو بس نحب بعضنا نتحد ونحارب عدونا أحقق أمالى وحلمنا أحطم أحزانى وجرحنا أشوف سعادة وأكيد هنا أشوف فرحة أطفال شعبنا أفرح بشباب وبنات مصرنا
| |
|