واحده راحت مطعم ومعاها شنطه كبيره وقالت للجرسون
الزبونه:لو سمحت عايزه واحد عصير فريش بس يكون بشاليمو طويل علشان الباكوكو بتاعي
طبعا الجرسون استعرب ايه الباكوكو دي لكن ولان الزبون دايما على حق راح جاب الطلب وجه ووقف يستنى يشوف ايه اللي هيحصل
الزبونه راحت مدخله الشاليمو في الشنطه والعصير قعد يقل يقل لحد ما خلص طبعا الجرسون اتجنن ومش فاهم ايه اللي بيحصل ده
المهم الزبونه بصتله وقالت عايزه طبق لحم استيك نص سوا علشان الباكوكو بتاعي
طبعا الجارسون راح جاب ليها الطلب وهوه هيتجنن قامت اخدت الطلب وحطته في الشنطه والشنطه فضلت تتهز تتهز وبعد كده الزبونه طلعت الطبق فاضي وتخيلوا انتم بقى ايه حاله الجرسون الغلبان ده
ام هند الزبونه قالت للجرسون لو سمحت عايزه قطعه جاتوه كبكريم شانتي كتير علشان الباكوكو بتاعي
الجارسون راح جاب الطلب وهوه هيعط وزي ما حصل مع طبق اللحمه حطت الطبق في الشنطه والشنطه فضلت تتهز تتهز وبعد كده الزبونه طلعت الطبق فاضي (كده نقدر نقول ان الجارسون بقى في زمه الله خلاص)
المهم الزبونه قامت علشان تروح الحمام والجارسون فضل يفكر
الجارسون:يا ترى افتح الشنطه ولا مفتحهاش,انا لو فتحتها وحد خد باله ممكن اترفد فيها ولو مفتحتهاش ممكن اتجنن
افتحها
مفتحهاش
افتحها
مفتحهاش
في الاخر قال مش مشكله اترفد المهم عقلي يفضل سليم
وفتح الشنطه
تخيلوا بقى لقى فيها ايه
انزلوا وانتم تعرفوا
انزل كمان
كمان لسه تحت
انتم مصرين تعرفوا
بلاش احسن
طيب انتم متوقعين انه يلاقي ايه
اكيد حاجه مش متوقعه
خلاص خلاص هقولكم بس تحت شويه
المهم الجارسون فتح الشنطه ولقى فيها...باكوكو صغير
يعني كنتم فاكرين انه هيلاقي فيها ايه
مش عايز ضرب علشان انا واصل واللي هيضربني هيتحبس
منقول
الرئيسية 
موضوع: سر الباكوكو الصغير 
الثلاثاء أغسطس 21, 2007 5:01 pm