مين يحقد على مين؟ الولاد ولا البنات؟

بنسمع دايما
ان البنات دايماهى الى بتحقدعلى الاولاد
علشان مثلا بيتاخر بره البيت براحته وبيسافر وبيتفسح من غير بابا وماما الخ الخ الخ ...... الى اخره
لاكن مسألناش مره نفسنا
ازاى الاولاد بيحقدوا على البنات؟؟



واليكم هذا التقرير المنقول من على رساله وصلتنى على الايمل ومفاداها ان


يلا نبداء




1-البنت بتتكلم براحتها في التليفون
وأبوها أو جوزها هو إللي بيدفع
الفاتورة في الآخر


2-البنت مش ملزمة تجهز نفسها
أبوها أو البيه (خطيبها) هم إللي هايدفعوا
دم قلبهم

3-مفيش حد بيبص على بدلة العريس
كله بيبص على فستان العروسة

4-لو واحدة عملت مخالفة وعيطت
شوية للظابط هايعديها
لو راجل هاياخد على دماغه


5-لو واحدة ما ادتش قرايبها
عيدية مش هايقولوا عليها بخيلة ...هايقولو
ا أصل العيب على جوزها


6-لو واحدة إتأخرت على المحاضرة
ممكن الدكاترة يدخلوها
لو ولد هايقولوا
روح يابابا كمل نوم برة في الشمس



7-لو حصل زعل بين البنت وباباها
مش هايطردها برة البيت
...وهي بس يادوب تعيط شوية
وبابا هايروح يصالحها على طول .... أما الولد فايدوب يلحق مكان
ينام فيه جنب البواب



نيجي بقى لدلع البنات

(ياعسولة ( 5 سنين

(ياعروسة ( 12 سنة

(ياقمر ( 18 سنة )

(يا هانم ( 40 سنة )

(يا أم العيال ( 50 سنة

(يا ست الكل ( 60 سنة


دلع الولاد

(انت ياد (10 سنين

(انت ياشحط بقيت طول الباب ( 18 سنة

(ياراجل ( 40 سنة

(ياعم الحاج ( 50 سنة

(ياراجل يا عجوز مناخيرك قد الكوز ( 60 سنة